صوت الجنريتر الاجش يجبر الكل علي رفع اصواتهم والصبية يتاقفزون او يمرون قربك كالسهم وربما داسو علي قدمك او تعثروا بكرسي وربما اصطدمو بشخص يحمل صينية، يظهر فجأة ذلك الرجل الذي يظهر في جميع مناسباتنا فهو كالصيوان لا لا بل هو اكثر ضرورية من الصيوان نفسة.. ذلك الرجل الاوامر التي تمشي علي ساقين ويستخدم يدية في كل الاتجاهات وعينيه لا تترك شاردة ولا واردة هو ماكينة فارمانات .. رجل الفرمانات... تعال ياولد شيل الكرسي دا ختو هناك، امسكي يا بت ديل، شيليهن من هنا وجيبي المقشاشة سريع انتي وصاحباتك قشو الحوش دا ورشرهو... انتو يا اولاد تعالوا هنا امشو سريييع جيبو الكراسي من الجيران ولو في فرشات جيبوهن برضو عشان نقعد فيهن الشفع... يابت تعالي هنا انتي بت منو البنت... انا بت علي بعشوم رجل الفرامانات.... ماشاالله انتي نورا؟ البنت.... ااي رجل الفرامانات... ما شاالله كبرتي وبقيتي عروسة ... امشي مع صاحباتك جيبو السراير رصوهن وفرشوهن عشان الكراسي ما بتكفي يمسك رجل الفارمانات بطفلين يتشاجران يقطع اقرب غصن من اي شجرة او اي شي يصلح للتاديب يضربهم كيف ما اتفق ويخلق لهما مرسال امشو ناس حسن الكهربجي قولو ليهو دايرين المسجل بتاعكم للبارتي و عزلو لينا شرائط هجيج سريع وكدي اتشاكلو ولا اتاخرو تاني اجرو بسرعة الزينبية ومعها بعض النسوة يجهزن الموز والبرتكان و البلح و ويضعنهن في اطباق من الورق ( صحانة الكوكتيل) في كل صحن قطعة موز وبرتكانة مقطعة لاربعة قطع ثلاث تمرات و قطعة حلاوة الزينبية... يا بنات جهزتو الكركدي؟ ترد واحدة... اي جاهز وغسلنا الكبابي جاهزات ودوما هنالك فتاة في عمر محدد تكون لا أعرف بماذا تشعر ولكنها تجلس بعيدا ( انثي الطاؤوس) وهي في كامل الابهة لا تشارك في اي شي تجلس جلسة متقرضمة وظهرها مستقيم تصدر للكل احساس انها لا يلفت انتباهها احد او شي ولكنها لا تغفل شاردة ولا واردة تسمع كل شي وتصدر التفاتاتها او ايماتها بما يتناسب لا يفلت من عينيها احد لا يفلت احد ابدا ، و دائما تجلس قريبا منها فتاة اقل منها جمالا او فتاتان يقمن بعبء الثرثرة نيابة عنها او الشمارات ... الشمارة... برررري عايني هناية لا بسه كيف ما بسالا لكن انثي الطاؤوس.. فلانة دي اصلا ما تركزي معاها كرور وووسخ الخور الشمارة... دا منو الداخل مع عبدو؟ الطاؤوس... دا ود خالتو جاء من مدني الشمارة..... لكن عسل الطاؤوس... عادي لا عسل ولا اي شي ... تم رص الكراسي و السراير والعناقريب و كل ما يصلح للجلوس فرشت السباتات في الوسط للرقيص ... رجل الفرامانات.... يا عبدو تعال وين المسجل مالكم ماجيبتوهو؟ عبدة... المسجل ماكل ترس هداف والهيد بتاعو بايظ رجل الفارمانات... امشي شوف الاوستريو بتاع ناس حسن الكهربجي انا رسلت ليهم شفع من قبيل ما جو عبدة... انت ما نجيب جهاز ناس خواجة هم اصلا بياجروهو وهو فردتي انا بطلعوا ليك منهم بي سعر حنبن رجل الفارمانات... خلاص دسيس انا بجازف ليك كسرتو امشي ليهو سريع ما تتاخر الناس جات عبدة... جدا الحوش امنلا تماما بالمعازيم ومن لا يحتاج دعوة ومن لاينتظر الدعوات من من يسمون ( الضهب او الكواكب) عبدو ومعة خواجة وثلاث شباب يدخلو من الباب يحملون الجهاز والسماعات الكبيرة يطلبون من بعض الفتيات تحويل اماكن جلوسهم فالجهاز لابد ان يكون في موقع مميز و استراتيجي وخواجة لم يكن منسق حفلات او ( دي جي) لكن كان خبيرا في اختيار الاغاني و تشغيل الجهاز، اوصل الجهاز بكهراء الجنريتر واخذ المايك الملحق به الو الو تيست تيست ون هنا ظهر ابو حلقوم اخذ المايك من خواجة بعد ان داعبة خواجة اتفضل يا استاذ ابو حلقوم... تحية قلبية للعروسين تحية بعطر الياسمين وبنقول ليهم بيت مال وعيال ونتمني ليهم حياة زوجية سعيدة وعقبال كل العزابة و لما كان لزاما ومن باب التخصص ايراد ابيات شعر السماعات صننن صنننن ابو حلقوم... يا عديلة يا بيضاء يا عديلة سيري معاه نبدا حفلنا (الصباحي) الخفلة حفلتنا كلنا واي شنكبة عنكبة عضلات تبش عروق عجور الحوش امتلا عن بكرة ابية الكراسي السراير يجلس عليها بالجانبين فتاة الطاؤؤس تمارس بحلقتها وتحس بالخطر عند ظهور حسناوات ولكنها لا تبدي غيرتها وان كانت تظهر غصبا عنها، رجل الفارمانات يتجول مثل ( صعلوق المحطة) يامر وينهي و يرفع ورقة من الارض او قشرة موز بدا البارتي ولا اعرف السر باغنية سيد خليفة يوم في يوم غريب فيهو الشمس لمت غروبها وسافرت لم يقم احد ليرقص فقد كانت هذه هي الطقوس او اغنية لدراسة الملعب الاغنية الثانية مباشرة انقلب البارتي لهجيج امتلات السباتة وفاضت جوز اللوز يرقصان مع بعض في تناغم فهما دائما يرقصان سوية يفهمان ويوديان حركات تناسب الايقاع يحركان ايديهم وارجلهم في تناغم جوز اللوز لا يعنيهم من هو العريس ولا العروس يرقصان يرقصان فجاة ينقطع صوت الجهاز رجل الفرامانات.... في شنو خواجة... في زول فصل سلك الجنريتر حركات مكوكية ويعود التيار ويلعلع المسجل ازدادت الحرارة العرق ينز ينز الشباب يرقصون يتنافسون في ادا رقصاتهم كالطيور في موسم التزاوج يرقصون، ينقطع التيار ثانية في شنو... الحاصل شنو؟ في زول قطع السلك تاني؟ هكذا صاح رجل الفارمانات فهو يحمل هم الحفل واستمرارة اكثر من العروسين نفسهما احد الشباب.. لا البنزين شكلو خلص. رجل الفاوانات.. شوفو ابو عابدا خلي يديكم جالون لو عندو ابوحلقوم بصوته الجهور الذي لا يحتاج لميكرفون اصلا البارتي بارتيكم وبنهني العروسين تاني و لغاية عودة البابور للشغل عندنا مسابقة ووو مسابقة واسئلة لعبات تقديم نكات ابيات شعر... حكمة... امثال استمر الليل طفلا يحبو واستمر السمر لم ينقص الانس برغم انقطاع كهرباء الجنريتر الزينبية.... بدرية جيبي الدلوكة دي وتعالي لي جاي تك تك تم تم دم الله لي الليمون سلامة برية ياحاجة لا الله ليااااااا طيارة جات بي لزوم الله ليااااا شايلا القنابل كوم دايرا تضرب الخرطوم ضربت حمار كلتوم ست اللبن الله ليااا الليمون سقايتو علي يا حاجة لا فجاة تعالت الاصوات والاشتباكات من خلف الجهاز... انعل والله الليلة... فك ... طاخ صراخ.... امشي معاي برا خواجة... هوي يا ميتين انتو والله تجو جمب الجهاز افجغكم من طرف رجل الفارمانت... ديل منو؟ ابوعابدا... اتخارجو اتشاكلو برة والله اي فارة يعمل حركات هنا يطقطق بس استمر الهيجان قليلا وهدا بانسحاب مجموعة من الشباب الضهب التومة و جمعة يدخلان الان وتتعالي الزغاريد... التومة تلبس التوب الاحمر الموشي بالذهبي جمعة يرتدي الجلابية البيضاء بدرية تغني يا عديلة يا بيضاء ويا ملايكة سيري معاه الليلة شويم بي قدرة الله الجنريتر عاود الشغل ابو حلقوم. ياخذ المايك... بنرحب بالعرسان وبنقول ليهم الف مبروك و نتمني ليهم حياة زوجية سعيدة وبنقول لازال الليل طفلا يحبو .. انتهزتها بدربة فرصة وضعت الدلوكة وتسللت الي الغرفة حيث جلك وابو عابدا تبعتها الزينبية جلك... اهلا اهلا ابوعابدا... ماتقعدو مع الضيوف برة الزينبية.... انا دايرة لي كاس بدرية.... وين السيجارة ابو عابدا يرفع السيجارة من تحت السرير يشعلها ويقدمها لبدرية تاخذ نفسا عميقا ترسل الدخان في شكل دوائر يتلوي علي ضوء الشمعةجمعة يظهر في باب الغرفة جلك... سايب عروسك وجاي هنا مالك؟ جمعة... داير لي كاس الكاروشة قايمة علي ابو عابدا... شيل ليك نفس من البابور دا جمعة وهو يمسك بالسجارة من بدرية... لا انا داير كاس النفس ما بظبطني تصب له الزينبية كاس تقدمة له، يجرعة دفعة واحدة... ويطلب ان تقدم لة اخر جمعة... دبلي لي الزينبية َََ. انت الشرفة بتاعتك دي ما بتبطلا؟ هاك ها امسك جمعة... دا قصيير داير كاس طويل الزينبية.... هههه وب علي من شرفتك هاك اكشحو سرعة وامشي ما تخلي العروس براها صوت الجهاز يتعالي يرتفع منه ايقاع زائيري ( كوفي) باصوات الدرامز والجيتار والبيز المميز انثي الطاؤوس ترقص وتتمايل اخيرا مع ود خالة عبدو ذلك الليس عسل اسمه حماد حماد..... انتي اسمك منو؟ وبتفري وين؟ الطاؤوس... اسمي تهاني وما بقري امتحنت المتوسطة وخليتا... انت اسمك منو؟ حماد... انا اسمي حماد وود خالة عبدو تهاني.... بتقراء ولاشغال ؟ حماد.. لا انا بقرا في جامعة الجزيرة في سنة اولي اقتصاد .. تعال بي العندك تعال ابوي ببسندك تعال سيد الكارو تعال اب وشيشا صارو تعال الجهاز يلعلع ويلعلع والرقيص يشتد الغبار يتعالي برغم السباتات والارض المرشوشة ...... جريمة يجلس امام اليورفان يحرسها ولا يسمح لاحد بالاقتراب منها فهو معروف برغم صغرة بانة شرس جاء اليه ابوعابدا متفقدا ابو عابدا.... جريمة جابو ليك صحنك؟ جريمة... صحن شنو يا معلم! انا داير لي نصية ابو عابدا..... انت بتلحس ؟ جريمة..... يعني مرة مرة ابوعابدا... دقيقة ... بس جريمة.. فك لي السيجارة دي يا معلم ابوعابدا... دي سيجارة هواء انت يا مان بتركب الفيل؟؟ جريمة... انا؟! لا لا والله ما حصل ركبتو... هو مرة كبس لي لكن انا رجمتو.... انت القال ليك منو؟ ابوعابدا... هو شنو الكبس ليك؟ الفيل دا البنقو دا؟ هههه جريمة.... انا قايلك قاصد الفيل بتاع الدكان ههه ابو عابدا... الفيل كبس ليك؟ هو عندو ولا شنو؟ جريمة..... عندو اااي لكن بس ناكر.. وانا ما عندي حاجة لي ضكر ابوعابدا... والله يا جريمة انت شكلك بتزعط الحجر ذااااتو اعوذبالله منك انا ماشي اجاسف لي الصن جريمة... شديد يا معلم كدي اديني نفسين اول ابوعابدا.... هاك استلم جربمة ياخذ السيجارة من ابوعابدا قبل ان يدخل ابوعابدا ليحضر له النص من الزينبية ويعود ابوعابدا... اميك اضرب وكشف للوري دا مظبوط ما يجي زول يجاسف منو مراية ولا اسبير جريمة.... ضبانة ما بترك فوقو يا معلم معاك معلم صوت الجهاز يتعالي ويتعالي الرقيص يصير اكثزر حميمية وحماة يا ب ياب ياب كب كب كب كب يلا فوق فوق الماعندها كارينا ما تبارينا والما بتعرف ما يدوها تغرف حقيقة حقيقة الماعندها حلة تتدلي قولتوو وانا ستو ناس المرور كولكم ناس الامنية كولكم خايفة العين تضركم البلد دي مافيها استمارات ولا شنوووو؟ البلد الما فيها غرابة خربانة البلد المافيها جعلية وشوايقة حضراااانة .. والله والله والله نهضت التومة رفقة الزينبية ربما ذهبت لاصلاح الميك اب او ربما هي ذاهبة للحمام هكذا قال بعض الصبية انتهزها جمعون فرصة للذهاب الي جلك في الغرفة وإحتساء كاس اخر جلك.... ابوعابدا انت مقرش العربية كويس؟ ابوعابدا... اي ومحرسا لي جريمة هههههه والله جريمة دا مسلط جلك... انت ما عارفو يعني؟ دا جريمة جد جد ابوعابدا.... تخيل طلع لي الفيل كلجة عدييييل ! جلك.... يا زول ؟؟ والله انا كنت شاكي فيهو بي كرشو الكبيرة دي ههههههه ما تقول لي جريمة بياكلو؟ ابو عابدا... والله ما عارفو لكن نكرو لي حطب اذن الصبح واعلن ابوحلقوم نهاية البارتي ابوحلقوم... مرة تانية نهني العروسين ونتمني ليهم حياة زوجية سعيدة ونشكر كل من شاركنا الفرحة و تصبحون علي خير رجل الفارمانات ياخذ المايك... يا شباب ياشباب ايرين نرجع حاجات الناس دي ما تمشو كولكم وفي اقل من ساعة كان كل شي رجع الي ما قبل البارتي العنقريب الوحيد في الراكوبة فقط تغير فيه ان هناك طفلا نائما علية وبعد اقل من عشرة دقائق جأت امة واختة لاخذة ابو عابدا وجلك وجمعة والزينبية والتومة وبدرية هم فقط من تبقي في بيت الزينبية جلسو في الحوش علي السباتة يتسامرون ويستعيدون شريط البارتي قبل ذهاب التومة الي بيتهم ذهب ابو عابدا ليطل علي اليورفان وجد جريمة نصف نائم شكرة واخرج جنيهين اعطاهم له وشكرة قبل ان يقول له ان الشمس قربت تشرق وان مواعيد المدرسة اقتربت، ودعة جريمة وتوجة الي بيتهم ليستعد للمدرسة جريمة... يلا يامعلم مع السلامة ابوعابدا..لله يسلمك يا صحبي توجه جريمة الي البيت وهو منتشي تمام وهي ليست المرة الاولي لم يكن هناك احد ينتظرة او يحس بغيابة فهو يعيش مع ابوة وزَجتة بعد وفاة امة الماساوية لم يكن احد يحس به ابدا او يهتم به وله.... دخل جريمة ونام علي ذلك العنقريب ذو الحبل المهتوك او هو تكور علي الجحر في وسط العنقريب ايقظة ابو ة وهو في طريقة للشغل والده.... قوم يا صابر قوم يا ود الحرام يا ما نافع وكت المدرسة جاء قوم علي حيلك جريمة... كويس قومت والدة... انت اصلا ما نافع في المدرسة احسن ليك تجي معاي الجزارة تتعلم الشغل وتطلع مصاريفك .... ا( 6 ) نهض جريمة و عيونة محمرة من شدة السهر او من تاثير السكرة والسطلة التي لازال تاثيرها ظاهرا عليه في الدوار الخفيف والخدر اللذيذ برغم صوت والده الذي يطن في اذنة قوم يا ود الحرام قوم يا ود الكلب قوم قوم يا باطل يا ما نافع قوم نهض جريمة بحث عن شنطة المدرسة وملابسه وجد الشنطة اسفل العنقريب وجد القميص محشور بين الحيطة وذلك الشوال المستند الي الحيطة خرج جريمة و ركض في اتجاه المدرسة فجرس الطابور ضرب الان سمعة من مكانه فقد كان الجرس عبارة قضيب او كمرة طولها حوالي المتر معلقة الي شجرة النيم الضخمة عند سور المدرسة الجنوبي ويضرب بواسطة قطعة حديد ربما كانت في الاصل احد اعمدة السيارات او ضراع لكنة كان كفيل بان يجعل الصوت مسموعا في الحلة الطرف دخل المدرسة وبعض التلاميذ المتاخرون يجرون وخلفهم ذلك الاستاذ استاذ كمال الذي يحمل في يدة صوت العنج ذلك الاستاذ الذي تسبفة سمعتة العنيفة حيثما حل في اي مدرسة وقد نقل هذا العام الي مدرستهم او طالب به المدير الجديد، هذا ما كان يتردد وسط التلاميذ، نال جريمة شحطتان من العنج المسقي بالقطران تركتا اثر لاهب و لون رمادي في جلدة الاغبش او هو مثل لون قشرة الفول المدمس ( المورو رو) وقف في الصف الاخير من فصلة انتبة الي ان جن في وسط الطابور مع المدير وعمك طه خفير مدرسة البنات وانضم اليهم استاذ كمال وصوت العنج وبشي من العسكرية وكثير من الصوت العالي ... استاذ كمال.... امنعو الكلام طابووور صفاء طابور انتباة المدير... بسم الله الرحمن الرحيم.. السلام عليكم ورحمة الله، يوم الخميس حصلت عملية ما محترمة ابدا من اخوانكم تلاميذ هنا و حركة بتاعت فوضي وقلة ادب ونحن حنعاقبهم هنا عشان يكونو عظة وعبرة ليكم استاذ كمال... المعاك منو واتبع ذلك بسوطين علي ظهر ( جن) * جن.... معاي صابر جريمة المدير .. جريمة دا اسم ابوة؟ جن... صابر محمود استاذ كمال... صابر محمود... وين صابر دا ؟ اطلع برة بدات الرؤس تستدير الي حيث يقف صابر وبعض الهمهمات والاشارات عليه استاذ كمال... اطلع برة طلع جلدك يا قليل الادب عمك طه.. ايوا ايوا ياهو داك الود الاغبش داك تقدم جريمة خطوات في اتجاة وسط الطابور ذهب إليه استاذ كمال واستقبلة بصوت العنج طاخ طاخ طاخ استاذ كمال... انت مالك اغبش كدا زي الدحش؟ وهدومك مالا مكرفسة كدا؟ انت مطلعم من خشم بقرة؟ امشي اقيف هناااك جمب صحبك المدير... اخوانكم الشواطين ديل قبضم عم طه في مدرسة البنات... وهسي هم حيتعاقبو قدامكم عشان مافي واحد منكم يفكر يكرر الحاجة دي ابدا جيبو الكرسي جري مجموعة من التلاميذ ناحية برندة الاساتذة احضرو الكرسي وضعوهو وسط الطابور استاذ كمال... محمد النور ولا اقول ليك جن؟ جن... نعم يا استاذ استاذ كمال... نعامة... امسك الكرسي دا ونزل الصوت في مؤخرة جن طاخ طج استاذ كمال.... طلع الكركاسة طلع الكركاسة دي جن... ماخاتي كركاسة يا استاذ استاذ كمال.... شوف يا تطلع الكركاسة ولابجلدك في ضهرك جن.... كويس كويس بطلع الكركاسة وقف جن وفك زرارالردا واخرج قطعة المطاط المغلفة بالقماش و احكم زرار الردا و امسك بالكرسي و انهال الضرب علية وجريمة ينظر في رعب طاخ طاخ طاخ...... طاخ ربما هي عشرة اسواط لا هي خمسة عشرة سوطا وربما اكثر استاذ كمال ... قوم اقيف هناك... تعال يا السيد جريمة... جريمة قلت لي!! توجه جريمة الي الكرسي وامسك بة استاذ كمال.... يدك قدام يدك قدام قال ذلك وكم سوط علي كتف جريمة ليشرح له ماهو القدام جريمة... كويس كويس استاذ كمال... اوعك تجيب يدك ورا طاخ طاخ طاخ طاخ..... جريمة قلت لي حينها اطلق جريمة ساقية ركض و كل الطابور واستاذ كمال خلفة... عمك طه كان في المقدمة يركض خلف جريمة، اعتلي جري السور وقفذ خارج المدرسة او هو قفذ خارج المنظومة التعليمية الي الابد بعض التلاميذ قفز خلفه، هل هم بلا خطيئة؟ هل هم حريصون علي الانضباط؟ هل هم حريصون علي النظام؟ ام انهم فقط يوأدون فروض الولاء للمدرسة و المدرسون؟ ركض جريمة بكل ما اوتي من قوة وبكل احساس الالم الذي سببة سوط العنج و سخرية استاذ كمال من ملابسة من اتساخة ركض ركض وبعضهم لازال يلاحقة اخذ حجرين في يدية واستدار ليواجة هؤلاء المصرون علي ملاحقتة جريمة... هوي يا كوسوم والله ما ترجعوا اطلع دينكم بالطوب دا ارجع ارح المدرسة جريمة... ما راجع وقولو لي استاذ كمال دا ما تدقس تجي الحلة الطرف واعقب ذلك بان قذف طوبة ناحية اقرب مطاردبة واعقبها بالثانية وتناول غيرهما في وضعية الاستعداد و عندها استدار الجمع من المطاردين ناحية المدرسة استمر جريمة يراقبهم حتي غابوا داخل المدرسة و ادار ظهرة لهم وللمدرسة الي الابد ذهب جريمة للحلة الطرف تحديدا الي دكان الفيل الفيل ... وين المدرسة الليلة يا جريمة ومالا عيونك محمرة كدا؟ جريمة ... خليتا الفيل.. خليت شنو ؟ جريمة... المدرسة... خليت المدرسة الفيل... يازول احسن تعال اشتغل معاي وبديك يوميتك جريمة... اشتغل معاك شنو؟ الفيل.. تنضف لي البصل وتعبي لي الفحم.. تقش الدكان وتقضي لي المراسيل جريمة.... هوي يا عمك انا باليومية ما بشتغل معاك انا بشتغل معاك اي شي مقاولة دسيس؟ الفيل... تمام تنضف لي شوال البصل بي كم؟ جريمة.. انت تدفع كم؟ الفيل.. اتنين جنية جربمة... يفتح الله. الفيل انت داير كم؟ جربمة.... حمرا الفيل... خلاص تلاتة جنية جريمة.... اربعة جنية وتديني سندة اول شي الفيل.. خلاص. اتفقنا تحضر زوجة ابيه بخيتة لتشتري اغراض من دكان الفيل تراة فتفول ساخر بخيتة .... انت نقلوك مدرسة الفيل خلاص؟ مبروك جريمة.... بهمهمة غير مفهومة بخيتة ... بطنطن بتقول شنو؟ ماتسمعني... مالك ما مشيت المدرسة يا فاشل! انت اصلا شبة قراية؟ الزيك دا اصلا شماسي وبتاع سليسون جريمة... بتاع اي شي انتي امي؟ مالك مالي؟ بعد تجيبي ليك ولد خلي يبقي دكتور بخيتة... اجيب لي ولد انت قايلني عاقر ولا شنو؟ جربمة... ما عاقر لكن سيبتي اولادك وجيتي عرستي ابوي لي شنو؟ مش قلعو منك اولادك وراجلك طلقك؟ بخيتة... ود الحرام والله الليلة ما اخليك جريمة.... والله تقربي مني اطقك بالعود دا اطرشق راسك الفيل... يا ولد ما تقل ادبك علي عمتك بخيتة... سيبو لي ما ببجي البيت؟ والله الليلة الا اخلي ابوهو يضبحو جربمة.... ما جاي الببت ولا داير اشوفكم زاتو الفيل ... قوم تعال هاك امشي جيب لي سلطة من خالتك حليمة بخيتة... ياهو النافع فيهو المشاوير بس جريمة... ياخي ماتقفلي قدومك دا مني مالك دايراني اطقك افتل ليك وشك القببح دا بخيتة... استني لي ابوك الليلة الا ما تجي البيت جريمة ما جاي قلت ليك انتي طرشة ياخذ القروش ويتجة صوب حليمة ويترك بخيتة والفيل يلوكان في سيرتة بخيتة... تعب الداية وخسارة السماية الفيل... ود لميض لكن والله بتلقي بخيتة.... بتلقي عشان بترسل ليك. ولا ما كدي ؟ الفيل... ياهو... المهم خلينا منو انا وزعتو عشان اسالك اها مواعيدنا قايمة؟ بخيتة... انا هسي جيتك عشان اقول ليك ارح الراجل في الجزارة وولدو في المدرسة والجو هادي لكن وين مع الشيطان الشغلتو لي معاك دا الفيل... كدي احسن زاتو اهو نكون عارفين مكانو وما خايفين منو ينط لينا من المدرسة، انتي امشي وانا بحرسو الدكان واعمل فيها ماشي اجيب لي بضاعة بخيتة.... الود دا مسلط ودحرااااام ما مضمون الفيل... ما مشكلة انا بعرف اغشو، انتي دايرة شنو بخيتة.. ولا شي (بغنج) كنت جاية اسوقك ودايرة لي عشرين جنية حقت الصندوق الليلة لمة الجبنة الفيل... خلاص دي العشرين جنية ودا السكر والبن، هدااااك جريمة جاي شيلي حاجاتك وامشي واجهزي خليك جاهزة بخيتة... ما تتاخر.. سلام من الرادي ياتي صوت ذلك الشيخ ذو اللكنة المميزة (انتن يا بنياتييي خليكن شاطرااااات الواحدي بيتا دااا تجيهو وتظبطو وهي ذاتا في رويحتا دي تتجيه.......) جريمة... والله عمتك حليمة ناشفة خلاص ابت تذيد السلطة الفيل... تمام خت السلطة دي جوة... واسمعني خلي بالك من الدكان انا ماشي عندي قروش في طرف السوق اتناولا وما بتاخر عشان نجي نفطر جريمة... ما تتاخر عشان انا بديت اجوع الفيل ما بتاخر... انت طاحونة؟ انا هسي مش حشيت ليك سندة... خلاص خش اعمل ليك سندة انا ماشي وما تكتر الطحنية خرج الفيل بعد ان اوصي جريمة علي الدكان اتجة يسارا ثم يمين رفع الشوال المسدل علي الباب ودخل وجد بخيتة خارجة من الغرفة امسك بها وادخلها الي الغرفة اجلسها علي البرش المفروش في وسط الغرفة ورفع العراقي و اخذ يحل سروالة بسرعة وبخيتة تضحك بخيتة. انت جاهز طواااالي الفيل... انامستعجل انتي عارفة الاول دا انا ما بمتعني بخيتة... خلاص نبدا من الدور التاني واي سجمي كدي اصبر لي استعدل الفيل... بس كدا ارفعي كراعك.. اي بخيتة... وووب علي وب علي خش خش الفيل... لسة دا راسو بخيتة... كتلتني كتلتني وب علي والفيل يلهس ويلهس بخيتة.. كدي قوم قوم خلاص انت كبيت فيني شنو؟ اححخخ وجلبطني كلي قوم خلاص الفيل... خلاص قومي غسلي عشان نسوي التاني بخيتة. تاي شنو كمان؟ ياها عشرين جنيهك دي ولاحاجة تانية؟ بخيتة تغسل ما سكبة الفيل فيها وتمسح فخذيها باول قطعة صادفتها وتعود في اتجاه الفيل بخيتة.. يلا قوم عشان تحصل الدكان الفيل... دكان شنو ياخي ياداب داير ارتاح بخيتة... انت عشرين جنيهك دب بتلدي؟ اخرج الفيل ثلاثون جنيها اعطاها لبخيتة فهو بعرف انها لن تصمط ولن ينالها مالم يدفع، وكانت هي تعرف كيف تبتزة بخيتة... دي شنو دي؟ قوم قوم الراجل زاتو زمنو قرب شيل قروشك دي وامش الفيل... خلاص هاك... واخرج مبلغ اخر لم يبصرة هو وابصرتة بخبتة امسكت به بسرعة كي لايغير رابة وضعته في صدرها و استلقت وهي ترفع ثونها ورجلبها بخيتة.. يلا سريع سريع الفيل.. ماتستعجلي باداب انا دابر اسوي بخيتة.... انت ما بتشبع؟ الفيل.. الاول دا فسوة ديك واستمر الفيل وبخيتة في الاستمتاع ونسيا العالم والدنيا من حولهم استمرا كم من الوقت؟ ليس يعلمه الا الله ولكنه كان وقت كافي لياكل جريمة كم سندة وصندوقان من البسكويت و فكر ان بشرب زجاجة بارد ولكنه خاف من ان بكتشفة الفيل ذلك فهو يحسب البارد الفاضي والملان ولكنه اخيرا تجرا وفتح زجاجة بيبسي وقبل ان يشرب نصفها ظهر الفيل الفيل... اااي يا جريمة انت مالقيتا جنينة الليله سيدا ميت وغفيرا حايم!! جريمة... والله يا معلم بس كنت مكوفر الفيل... مكوفر ولا رمرمت؟ جريمَة.... ولا رمرمت ولا شي والله اظبط بوش للفطور رايك شنو؟ الفيل.. سمح قطع السلطة وظبو لينا وبعد تخلص نضيف البصل و عبي شوالين الفحم ديلك و امشي لي للزينببة جيب منها المعلوم جريمة حاضر يا اصلي جريمة يشعر انه تحرر اخبرا من المدرسة ومن الببت ومن كل عبءِ وانة اسمع بخبتة جزء مماكان يود ان يسمعها فقد كان يصبر عليها ولكنه قرر منذ اليوم ان لايصبر علي شي او احد ابدا... لقد كان يكرة اسمه كان يكره الصبر واسم صابر ولكنه كان َمجبرا علي الصبر ولن يكون مجبرا منذ الان لن يصبر علي شي او علي احد ابدا ابدا ..... انهي جربمة تعبئة الفحم ودهب الي بيت الزبنببة لاحضار زجاجة الليل او المعلوم، صادف ابوعابدا يوقف اليورفان ابوعابدا... جربمة مالك مامشيت المدرسة؟ جريمة... انا جليت القصة دي يا معلم ابوعابدا.. كيف الكلام دا؟؟ جريمة.... والله جليت ابوها زاتو ابوعابدا... طيب داير تعمل شنو؟ جريمة ... اشتغلت مع الفيل اعبي ليهو الفحم وانضف البصل وارص البضاعة ووو ابو عابدا... تمام يارول بس ماتقضيها مشاوير دخل ابوعابدا بيت الزينبية وهو يحمل اكياسة وسلم علي الزينبية وبدرية وطلب ان ينام لان عندة مشوار بتاع عقد قران بعد صلاة العصر الي مدينة مجاورة دخل الغرفة بعد ان وضع الاكياس لحقت به بعد فترة بدرية وهو راقد و وجهة الي الحائط اخدت تدلك كتفية و تمرر اصابعها في شعر راسة وهو يصر اصوات تدل علي التعب ويتدرج تنفسة طبعت قبلة علي خدة ونهضت لتساعد الزينبية بدربة... والله نايم نجييييض الزينببة.... معذور من امس ما نام بعد البارتي والونسة َنحن نوووومنا وهو دور العربية ومرق بدرية.... اي والله تعبان الزينبية.. جيبي لي الكانون والحلة دي من التكل بدرية.. . تمام انتي ما تخليني اشد ليك الحلة دي و انتي تشوفي ناسك الزي