#ذكريات شقية الوقت مدرسة ازهري الابتدائيه او نمرة سته زي مارقموها كنت زعلان لمن شالوني فيها لانها بعييدة من البيت والمشي رياضة ابوي قال لي ..اول يوم فى الطريق زكاني كلب وبعد كم يوم مجنون..دا خلى الطريق في ترفيه وتسلية الفطور سلطة اسود من كشك حاجة كلتوم او سندوتش طحنية من دكان جنب المدرسة طبعا دا في حالة ابوي عندو قروش وفى الحالة التانية ترجع البيت تفطر وترجع بنفس الروح.. اها عندي خالي علي عيد مدرس فى مدرسة الشاطي الشمالية قال لناس البيت الود شمس دا جيبو لي اها طوالى ناس البيت كملو الورق واول يوم مشيت المدرسة الجديدة متأخر دخلت وسألت ومن شباك سنة رابعة لقيت ليك كل الفصل منحنى على الكنب والخال يضرب فوق ظهورهم.طواالي طفرت السور ورجعت البيت ..اليوم التاني بدري ابوي رجعني المدرسة وقابل الخال وقال ليهو(ليك اللحم ولينا العضم) ومن يومها اشتقتها لسكة الكلب والمجنون. #شمس????